Siglir tar il cuntegn

Header

video
Stagiun da skis 2017/18
Or da Telesguard dals 04.04.2018.
laschar ir. Durada: 3 minutas.
cuntegn

Chantun La stagiun da skis 2017/2018: buna ma betg excellenta

Naiv hai gì avunda questa stagiun. Pervia da l'aura èsi però a lunga vista mo stà ina stagiun mesauna.

Naiv hai quest onn gì avunda. Però per che las pendicularas hajan in bun onn da fatschenta dovra dapli che mo avunda naiv. Uschia è l'aura fitg impurtanta. E quella è quest onn betg adina stada perfetga. Perquai tira il vicepresident da las pendicularas grischunas Philipp Holenstein il facit, che la stagiun da skis 2017/ 2018 saja stada buna, ma betg excellenta.

Quai conferman era las cifras. Uschia han ins en cumparegliaziun cun l'onn avant gì in cler plus. Quai dentant er, perquai che las cifras eran l'onn avant fitg bassas. Visavi a la media dals ultims tschintg onns han ins numnadamain er quest onn gì 1,1% pli pauc giasts.

In bun enviern ha fatg bain

Er sche las cifras èn damai anc pli bassas ch'avant tschintg onns, e sco che Holenstein dei, perfin fitg lunsch davent dals davos diesch onns, haja il bun enviern cun la blera naiv fatg bain a pendicularas. Ins sappia uss, ch'i dettia anc buns e bels envierns.

Ed en las stagiuns difficilas ils davos onns hajan las pendicularas emprendì a cumbatter, uschia ch'ellas sajan prontas per la sfidas che vegnan.

RR actualitad 17:00

Artitgels legids il pli savens