Votaziuns naziunalas
Il suveran svizzer decida oz davart ils suandonts temas:
- L'iniziativa No Billag, in'iniziativa che prevesa d'abolir las taxas per radio e televisiun.
- Il nov urden da finanzas 2021, che lubescha al stadi d'incassar taglias federalas e taglias sin plivalur enfin fin dal 2035.
Votaziuns chantunalas
En Grischun datti ils 4 da mars naginas votaziuns sin livel chantunal.
Votaziuns en regiuns e vischnancas
- Scuol decida davart l’iniziativa da parcar «dapli per cumprar – damain per parcar» ed ina cuntraproposta da la suprastanza communala.
- La Lumnezia decida da la lescha da mantegniment da las ovras da meglieraziun.
- Ils votants e las votantas da Landquart han da decider davart in credit d’obligaziun per la sanaziun da la veglia chasa da scola ad Igis.
- Domat decida davart la renovaziun da la chasa communala.
- Cuira votescha davart la revisiun parziala da l’urden fundamental.
- Ad Arosa datti elecziuns substitutivas per il presidi da la scola ed in sez en il cussegl da scola.
- A Bravuogn/Filisur per in sez en la cumissiun da l’ovra electrica.
- Er Tavau ha da sa decider per in nov commember en il cussegl da scola, dentant er davart la lescha davart il princip public.
audio
Prevista voraziuns dals 4 da mars
ord Novitads dals 04.03.2018.
laschar ir. Durada: 45 Secundas.
RTR rapporta cun programs spezials:
- Resultats, rapports e reacziuns: Cun il Liveticker da RTR essas al current.
- a partir da las 12:00 enfin las 18:00 vegn rapportà sin las undas da Radio Rumantsch mintga trenta minutas en furma da novitads lungas e curtas, canalisas e rapports da las reportras ed ils reporters en las regiuns, a Cuira ed a Berna – e suenter en las novitads enfin las 23:00
- a partir da las 12:00 enfin las 23:00 chattais Vus tut ils resultats èn tabellas, artichels ed analisas uschia spert che pussibel sin la nossa pagina d'internet
- las 17:25 en ina resumaziun cumpacta cun vuschs e fatschas dal di da votaziun en il Telesguard