Legenda:
Per 2,37 milliuns vegn la via che collia Panaduz e la Val Stussavgia sanada.
MAD
cuntegn
Chantun - La via da Sculms vegn sanada
La regenza ha approvà da sanar la via da Sculms tranter Panaduz e la Val Stussavgia. Ils custs totals da construcziun muntan a passa 2,37 milliuns francs.
La via fa part da la rait chantunala da vias da colliaziun. Ella collia la fracziun Scardanal da la vischnanca da Panaduz e la fracziun Sculms da la vischnanca da Val Stussavgia.
Il project cumenza a Panaduz tar il spartavias da la via sursilvana da la vart dretga dal Rain e finescha en la regiun Prau Figiu. Sin quest traject è la via per part memia stretga. Plinavant ha la via donns è defurmaziuns. Part da la sanaziun è da renovar la surstructura ed il sistem da l'allontanament da l'aua sco er da meglierar il trassé existent en las parts memia stretgas.
La finamira dal project da 2,37 milliuns francs è d'augmentar la segirtad dal traffic e dal manaschi. Era la circulaziun da traffic duai vegnir meglra.
