Siglir tar il cuntegn

Header

Navigaziun

Legenda: Tadlar il audio Bunura: Il stan actual da las medis rumantschas. Durada 04:02 minutas.
Or da Actualitad dals 25.03.2019.
cuntegn

Chantun La via tar La Quotidiana 2.0

Oz infurmescha la Lia Rumantscha davart il futur da la fundaziun medias rumantschas e cunquai er davart il futur da La Quotidiana. E quai è capità enfin uss:

Avant dus onns ha La Quotidiana pudì festivar ses 20avel anniversari ensemen cun l'agentura da novitads ANR. Dentant gia in'emna suenter la festa ha l'editura Somedia mess a La Quotidiana il cuntè vid il culiez. Ella saja bain pronta d'edir la gasetta, vul dir, da surprender ils custs da producziun e persuenter retschaiver las entradas dals abunaments e da las reclamas, ella na saja dentant betg pli pronta da purtar il deficit da 300'000 francs ch'il persunal da La Quotidiana custia. Uschia ha il cumbat per il futur da La Quotidiana cumenzà.

Qua insaquants punct impurtants:

  • Mars 2017: Silvio Lebrument annunzia da smetter la fin da l'onn cun La Quotidiana sch'il maun public na saja betg pront da surprender il deficit. Quai fiss la fin da La Quotidiana.
  • Avrigl 2017: I mancan 300'000 francs, dentant ni l'ANR ni il chantun hajan la basa legala per sustegnair la lavur redacziunala d'ina gasetta.
  • Matg 2017: Martin Candinas inoltrescha a Berna in'interpellaziun che pretenda che la Confederaziun porschia maun cun La Quotidiana almain per in onn, per avair dapli temp per planisar ina soluziun a lunga vista.
  • Matg 2017: La Lia Rumantscha ponderescha emprims concepts per pudair garantir il futur da la pressa rumantscha.
  • Fanadur 2017: Martin Cabalzar, il schefredactur da La Quotidiana, survegn la disditga da la Somedia.
  • Fanadur 2017: La Confederaziun è pronta da sustegnair La Quotidiana il 2018, dentant be sch'il chantun fa il medem.
  • Avust 2017: Er il chantun sustegna La Quotidiana anc in onn, Martin Cabalzar po cuntinuar il 2018 da far sia gasetta.
  • October 2017: Martin Gabriel, secretari general da la Lia Rumantscha, daventa manader dal project «medias rumantschas 2019» che duai procurar per ina schliaziun a lunga vista.
  • October 2018: A la radunanza da delegads preschenta la Lia Rumantscha il concept da «medias rumantschas» che prevesa ina meglra collavuraziun da tut ils partenaris schurnalistics rumantschs. La nova Quotidiana duai restar ina gasetta en print cun tschintg exemplars per emna.
  • Mars 2019: Martin Cabalzar e Guido Jörg sa retiran da La Quotidiana respectiv da l'ANR.

RR actualitad 08:00