Chantun - La Viafier retica plazzescha emprestas per 200 milliuns francs
La Viafier retica ha per l'emprima giada dapi sia existenza prendì ad emprest obligaziuns cun tschains fix da 200 milliuns francs. Ils daners vegnan duvrads per la cumpra da 27 trens ad auto tracziun.
La pli gronda cumpra da material rullant en l'istorgia da la Retica saja vegnida decidida la fin da fanadur cun suttascriver il contract cun la Stadler Rail, communitgescha la Viafier retica. Uschia ha la viafier empustà trens per 285 milliuns francs. La furniziun da l'emprim tren saja planisada per il 2019.
La finanziaziun da la viafier è segirada entras ina garanzia da solidaritad da la Confederaziun.
