Chantun - Laders engolan 10 giadas, avant co vegnir tschiffads
Tenor la polizia han 3 umens da l'America dal sid rut en tranter il zercladur ed il settember 2014 en tut 10 giadas en chasas en il Grischun. Els han engulà rauba per 230'000 francs e chaschunà donns da 20'000 francs.
Ils delicts èn vegnids commess a Flem, Sedrun, Malix, Tavau, Zezras, Malans, Razén, Tusaun, Tumein e Seglias en Tumleastga. Ils umens da 30 fin 44 onns èn era stads activs en auters chantuns. Tschiffà els ha la polizia bernaisa l'october passà. Perquai maina era la procura publica bernaisa la procedura.
