Siglir tar il cuntegn

Header

cuntegn

Chantun Larissa Bieler va tar Swissinfo

Larissa M. Bieler daventa nova schefredactura da la plattafurma da novitads Swissinfo. Swissinfo è in manaschi che tutga a la SSR SRG. Sco Radiotelevisiun Svizra Rumantscha ha intervegnì, saja questa novitad vegnida communitgada intern tar Swissinfo. Bieler succeda a Christophe Giovannini.

Lez ha bandunà Swissinfo sin la fin da favrer. Dapi lura aveva il substitut, Reto Gysi von Wartburg, surpiglià la responsabladad.

L’emna passada aveva Larissa Bieler communitgà ch’ella bandunia la gasetta «Bündner Tagblatt» sin la fin d’october 2015. Larissa Bieler è dapi 2 onns schefredactura dal «Bündner Tagblatt» e lavura dapi 13 onns per la pli veglia gasetta quotidiana grischuna.

RR novitads 20:00

Artitgels legids il pli savens