Las 10:15 stevan ils trens airi sin quasi l'entira rait da la Viafier retica. La culpa è stà in disturbi d'in indriz da regulaziun ch'haja bloccà ils trens per radund in'ura.
Betg pertutgads èn stads sulet ils tschancuns sur il Bernina ed il tren da Cuira ad Arosa, ha ditg ad RTR la plededra da la Viafier retica, Yvonne Dünser. Sin il rest da la rait han ils passaschiers duvrà pazienza. Entant annunzia la Viafier retica ch'ils trens curseschian puspè. Singuls retards èn però pussaivels.
RR novitads 12:00