Siglir tar il cuntegn

Chantun Las aventuras da Lisa Dermont en China

Lisa Dermont, oriunda da Rueun, studegia el 5avel semester chinais a l’Universitad da Turitg. Durant il studi ha Lisa gì la pussaivladad da sa participar a la concurrenza «Chinese Bridge» a China.

Luisa Dermont al final da «Chinese Bridge» a China.
Legenda: Lisa Dermont mussa co ins va cun skis al final da «Chinese Bridge». MAD

Lisa Dermont è sa participada a la qualificaziun da l’occurrenza «Chinese Bridge» en Svizra. Ella ha stuì preparar in pled, mussar in saut ni chantar e dar resposta a dumondas davart la cultura, istorgia ed ils arts da la China. A quella qualificaziun e Lisa vegnida secunda. Perquai ch’il victur era massa vegl, ha Lisa pudì ir al final da la concurrenza a China.

Montà ils skis

A Peking ha Lisa anc ina giada stuì far ils medems pensums. Vitiers ha ella stuì purtar in tipic souvenir da la patria. Ella ha montà in per skis e declerà als chinais sco che quai sport funcziuna. L’emettur chinais Hunan ha rapporta da l’entira concurrenza.

Gudagnà stipendi

Lisa n’ha betg dumagnà tranter ils 30 megliers. Per ella era l’occurrenza vargada. Ella ha dentant pudì visitar bleras citads e giudair sia visita en la China. Igl è segir betg sia davosa visita. Sco premi ha Lisa gudagnà in stipendi per in semester studegiar en la China, uschia ch’ella vegn a turnar gia prest puspè en il pajais da l’ost.