Las cursas da chavals a Maiavilla èn sin chommas falombras

L'emprima dumengia da las cursas da chavals a Maiavilla è crudada en l'aua. Uss spera il comité d’organisaziun ch’i gartegia da manar tras cursas proxima dumengia.

Proxima dumengia duessan ils aspectaturs vegnir en il daletg da las cursas da chavals a Maiavilla. Bild in Lightbox öffnen.

Legenda da maletgs: Proxima dumengia duessan ils aspectaturs vegnir en il daletg da las cursas da chavals a Maiavilla. Keystone

Ils organisaturs da las cursas vivan actualmain da la speranza. Sco quai ch'il president dal comité d’organisaziun Ruedi Niederer di, saja da sperar che l’aura fetschia cun proxima dumengia. Cler è dentant gia uss ch’i vegn a dar ina sperdita quest onn. Cun ina buna segunda dumengia vegnissan ins però anc da spendrar la situaziun. Il futur da las cursas da chavals a Maiavilla è dentant intschert. Actualmain na sa il president Ruedi Niederer co i giaja vinavant cun l’eveniment.

«  Davos il futur da las cursas met jau simplamain blers segns da dumonda. »

Ruedi Niederer
president dal comité d'organisaziun

Pervia da la plievgia hai dà la dumengia vargada naginas cursas da chavals a Maiavilla. Il terrain era uschè lom, che las cursas n'eran betg pussaivlas. La segirezza per ils chavals ed ils chavaltgaders na pudeva betg vegnir garantida, avevan ils organisaturs communitgà.

RR actualitad 08:00