Siglir tar il cuntegn

Header

Video
Serrar filialas – per la banca Raiffeisen è il quint ì si
Or da Telesguard dals 10.03.2016.
laschar ir
cuntegn

Chantun Las Raiffeisen dal Grischun fan 6% dapli gudogn

Las bancas Raiffeisen dal Grischun han augmentà il davos onn lur gudogn per 6,3% sin 3,99 milliuns francs, quai ha l'uniun da las bancas Raiffeisen dal Grischun communitgà.

Er il resultat da la fatschenta da tschains è creschì il 2015 per 4,1%. Sco gia enconuschent dapi il favrer, vegnan 3 filialas da la Raiffeisen Cadi a Sumvitg, Curaglia e Surrein serradas questa stad.

Banca Raiffeisen Cadi è cuntenta

L'onn passà ha la Banca Raiffeisen Cadi fatg 2,7 % damain gudogn cumpareglià cun l'onn 2014. En cifras munta il gudogn da la Banca Raiffeisen Cadi a 477'000 francs.

En vista a la situaziun difficila als martgads sa mussa la banca tuttina cuntenta cun quest resultat. Il volumen d'ipotecas saja creschì per 3,2%. Plinavant sajan ils custs da material s'augmentads, fertant ch'ils custs da persunal sajan sa reducids.

Creschament sanadaivel

La Banca Raiffeisen ha defendì sia ferma posiziun sin la fiera da ipotecas. Sin quest sectur noda ella in creschament da 3,2 %. Sco quai che la direcziun constatescha en ses rapport annual ha quest augment er contribuì a l'augment dal gudogn brut da la fatschenta da tschains (+1,4 %). Las midadas da revalitaziuns per encunter han gì in'influenza negativa sin il gudogn net da la fatschenta da tschains (-7,2%)

RR novitads 6:00

RTR/anr/sc/cs