Siglir tar il cuntegn

Header

cuntegn

Las raschuns «Senza questas mesiras vegn il sistem da sanadad als cunfins»

Senza las mesiras rigurusas vegnia il sistem da sanadad, cunzunt ils ospitals grischuns a ses cunfins. Quai ha il president da la regenza grischuna Christian Rathgeb accentuà pliras giadas a la conferenza da medias. «Igl è impurtant d'avair respect, igl è ina situaziun seriusa. Igl è però er impurtant da vesair che nus avain pussaivladads da reagir.»

Sper garantir vinavant il provediment da sanadad giaja er per evitar ch'ins vegnia en ina situaziun sco en l'Italia. Vul dir: impedir uschè bain sco pussaivel ch'il virus sa darasia nuncontrolladamain.

Video
President da la regenza Christian Rathgeb: Quinta cun tuts.
Or da RTR Social dals 13.03.2020.
laschar ir

La regenza è conscienta da las consequenzas

Cun serrar las scolas vulain nus evitar contacts socials, declera il minister d'educaziun Jon Domenic Parolini. El chapeschia che quai saja ina sfida per ils geniturs sch'ils uffants sajan almain enfin ils 4 d'avrigl a chasa:

Il minister d'economia Marcus Caduff fa gronds quitads: I giaja per milliuns en la branscha turistica, accentuescha el:

Quitads fan cunzunt las gruppas da risico

Las mesiras ch'il chantun Grischun ha decidì èn per anc pli severas che quellas da la Confederaziun. Il minister da sanadad, Peter Peyer è conscient da quai. Las mesiras èn però necessarias perquai ch'il Grischun saja pli ferm pertutgà che auters chantuns ed er pli datiers da l'Italia. Perquai cusseglia la regenza da resguardar sper las mesiras ordinadas, tut las reglas d’igiena e da tegnair distanza.

Video
Minister da sanadad Peter Peyer: Proteger la gruppa risico
Or da RTR Social dals 13.03.2020.
laschar ir

A persunas che s’audan en la gruppa da risico vegn cusseglia da:

  • betg tgirar uffants e giuvenils,
  • betg sa participar a occurrenzas publicas u privatas
  • betg nizzegiar il traffic public

Gruppas da risico

Textbox aufklappenTextbox zuklappen

Il chantun Grischun vul surtut proteger gruppas da risico dal coronavirus. Tar quellas tutgan persunas sur 65 onns e persunas cun malsognas sco

  • pressiun dal sang auta
  • diabetes
  • malsognas dal cor e da la circulaziun
  • cancer
  • malsognas che indebleschan il sistem d’immunitad

Marcantamain dapli infecziuns

La media chantunala Marina Jamnicki ha explitgà la situaziun actuala:

  • 43 cas confermads, il pli blers en l'Engiadin'Auta
  • Ins na possia betg pli reconstruir las vias d'infecziun
  • Sin la fin d'emna quinta la media chantunala Marina Jamnicki anc ina giada cun marcantamain dapli infecziuns.
  • En l'Engiadina e las Valladas dal sid vegnan tut las operaziuns betg necessarias spustadas. Pertutgadas èn il Centro Sanitario Valposchiavo, il Center da Sandà Engiadina Bassa, ospital da l'Engiadin'Auta a Samedan e la clinica Gut a San Murezzan.

RTR, actualitad 17:00