Lavuratori ARBES vegn engrondì

Il lieu da lavur e d'occupaziun ARBES dals servetschs psichiatrics dal Grischun a Giuvaulta vegn engrondì ed adattà.

Ils edifizis da l'ARBES cun in iert da verduras davant. Bild in Lightbox öffnen.

Legenda da maletgs: Il lavuratori ARBES a Giuvaulta vegn engrondì. MAD

L'edifizi dal lieu da lavur e d'occupaziun ARBES dals servetschs psichiatrics dal Grischun a Giuvaulta vegn engrondì ed adattà. La regenza ha uss approvà l'engrondiment dal lavuratori 2 sco er la construcziun da plazzas da parcar. Plinavant ha ella deliberà ina contribuziun chantunala da radund 1,35 milliuns francs.

Cun engrondir il lavuratori vegni tegnì quint a la creschientscha da l'ARBES Giuvaulta. Las mesiras architectonicas planisadas, cumpiglian il basegn da magasin, d'indrizs sanitars, da surfatscha da biro e da producziun. Las novas surfatschas da magasin distgargian er ils locals da lavur, uschia ch'ils passadis necessaris per las vias da fugia pon puspè vegnir garantids.

Sco lavuratori protegì dals servetschs psichiatrics dal Grischun porscha l'ARBES plazzas da lavur ad umans creschids che han in impediment psichic.

RR novitads 10:00