Siglir tar il cuntegn

Header

cuntegn

Chantun Lescha per promover la tgira da malsauns duai da principi restar

Il Cussegl grond ha sondà en tge direcziun che la revisiun da la lescha per promover la tgira da malsauns duai ir. Quella vegn revidida proximamain. Tar il sistem che vala uss saja quai dentant da far midadas punctualmain.

Il Cussegl grond ha decidì da restar tar il sistem che vala per il mument e da far mo midadas punctualmain. Tranter auter èsi vegnì critgà che las pussaivladads da differenziar las purschidas en chasas da tgira èn memia pitschnas.

Duain per exempel chombras singulas custar dapli che chombras dublas? Quai è in problem pervi da las directivas da las tarifas maximalas. Quai pon ins dentant schliar cun fixar ils custs e las participaziuns dals cussadents vid ils custs.

audio
Saira: Cussegl grond - revisiun da lescha per promover la tgira da malsauns
ord Actualitad dals 15.06.2016.
laschar ir. Durada: 45 Secundas.

La basa per la basa - «...to be continued»

Sper quai na sajan er ils custs da mantegniment, per renovar e per nizziar chasas da tgira betg transparents avunda. La mesira encunter quest problem saja er qua da fixar ils custs e d'indemnisar els cun ir sur la categoria da prestaziun da la pensiun.

Quai è dentant be la basa per la consultaziun e quella è lura la basa per il sboz da la revisiun da la lescha.

RR novitads 18:00

Artitgels legids il pli savens