Siglir tar il cuntegn

Header

cuntegn

Lia Rumantscha Tschertgà: CharmantA managerA e linguistA

El ubain ella sto esser ina persuna che: ha plaschair dal rumantsch, ha ina pel dira, vegn dad unir las vuschs en la Rumantschia, sa reglar finanzas, sa manar in manaschi, sa collavurar bain, sa tadlar tiers bain ed ha ina persunalitad che represchenta la Rumantschia.

Quai èn ils giavischs ch'ils presidents e la presidenta da las uniuns affiliadas da la Lia Rumantscha han a la nova persuna che surpiglia la successiun dal secretari general, Martin Gabriel. Dentant las uniuns, tranter auter la Surselva Romontscha, l'Uniun dals Grischs, l'Uniun Rumantscha Grischun Central u er la Giuru han differentas prioritads, perquai che chattar ina persuna che sa TUT, saja grev.

Temp per insatgi giuven?

Clau Dermont da la Pro Svizra Rumantscha per exempel è da l'opiniun, che quai fiss uss la schanza dad engaschar ina persuna giuvna che possia dar novs impuls a la Lia Rumantscha. Per Domenic Toutsch da la Pro Idioms è pli impurtant, che la nova persuna guardia er bain dals problems dal mintgadi da Rumantschas e Rumantschs.

Ed Alberto Palaia, president da la Surselva Romontscha crai che quai fiss perdert dad engaschar insatgi ch'è cumpatibel cun la nova strategia da la Lia che metta in focus sin la digitalisaziun e la diaspora. Nums da pussaivels candidats ubain da pussaivlas candidatas na vul dentant anc nagin tradir.

Grafica cun las qualificaziuns giavischadas.
Legenda: RTR

RTR actualitad 17:00