Siglir tar il cuntegn

Header

cuntegn

Lingua Ponderar traducziuns simultanas

Il Cussegl grond vul evaluar propostas, co translatar simultan sias debattas. Deputadas e deputads han perquai decis unanimamain d’instradar ina cumissiun ad hoc che duai proponer variantas pragmaticas. Tgi che fa part da questa cumissiun vegn decis il favrer.

L’idea da translatar simultan las debattas per rumantsch, talian e tudestg vegn dal deputà socialdemocratic da Vaz Sut Tobias Rettich.

audio
Tobias Rettich (PS) davart la necessitad
00:15 min, Actualitad dals 04.12.2019.
laschar ir. Durada: 00:15 minutas.

La politica stoppia esser in bun exempel e perquai viver e profitar da la plurilinguitad dal Grischun. Plinavant saja quai ina discriminaziun, sche deputads rumantschs u talians na possian betg discurrer en lur lingua materna durant las debattas.

audio
Tobias Rettich (PS) davart la discriminaziun
00:22 min, Actualitad dals 04.12.2019.
laschar ir. Durada: 00:22 minutas.

Sia proposta chatta grond sustegn: Gia en la sessiun extra muros a Puntraschigna avevan deputadas e deputads da tut las partidas e da tuttas linguas signalisà lur sustegn e la necessitad d’ina translaziun simultana.

Tadlai la contribuziun dal zercladur da quest onn:

audio
Bunura: Extra muros – traducziun simultana
03:49 min, Actualitad dals 14.06.2019.
laschar ir. Durada: 03:49 minutas.

RTR novitad 10:00

Artitgels legids il pli savens

Scrollar a sanestra Scrollar a dretga