La Lia Rumantscha pretenda ch'il rumantsch daventia pli visibel en Svizra e ch'el vegnia duvrà pli consequent – quai en vista als 25 onns ch'il rumantsch è entant parzialmain lingua uffiziala.
Inscripziuns e signalisaziuns en l'entir pajais
Concret pretenda la Lia da la Confederaziun ch'il rumantsch vegnia duvrà en l'entira Svizra, senza excepziun per inscripziuns e signalisaziuns da tut gener. Quai pertutgia lieus nua che tschellas linguas uffizialas vegnian resguardadas. Vinavant stoppian il Parlament federal e l'Administraziun federala duvrar pli consequent il rumantsch per lur communicaziuns ed il contact cun il pievel.
Lingua preferida en territori rumantsch
En il territori rumantsch stoppia il rumantsch avair prioritad per infurmaziuns a la populaziun e quai sin tut ils chanals da communicaziun. Sch'il rumantsch giaja a perder en il context naziunal, giaja el pli e pli en emblidanza, ha suttastritgà il secretari general ad interim da la Lia, Andreas Gabriel, la pretensiun.
Ord l'archiv