Siglir tar il cuntegn

Header

cuntegn

Litteratura rumantscha Manuela Balett è la nova presidenta da l'ULR

Manuela Balett, ch'è creschida si a Breil, è vegnida elegida durant la radunanza generala da l'Uniun per litteratura rumantscha unanimamain sco nova presidenta. Ella succeda a Viola Pfeiffer, ch'è stada var trais onns en uffizi e sa deditgescha en il futur pli ferm a sia dissertaziun sco er al scriver. Manuela Balett ha 33 onns e lavura tar la fundaziun filantropica Leopold Bachman.

audio
Bunura: ULR – La nova presidenta Manuela Balett
ord Actualitad dals 06.05.2019.
laschar ir. Durada: 4 minutas 52 Secundas.

Sco nova presidenta vul ella s'engaschar per auturs ed interessads a la litteratura e vul empruvar da nizzegiar meglier sinergias cun autras uniuns linguisticas – per exempel areguard il sustegn finanzial da projects.

Plinavant è Annatina Nay da Trun vegnida elegida nov en la suprastanza. Er vegnids confermads en suprastanza da l'ULR èn Benedetto Vigne, Walter Roselli e Flavia Hobi.

RR novitads 14:00

Artitgels legids il pli savens