Siglir tar il cuntegn

Header

persuna cun in microfon
Legenda: Ils cas suspects da corona tar l'EHC Cuira. Livio Roner, l'attatgader tar il club da hockey da la capitala. RTR
cuntegn

Livio Roner, EHC Cuira «Cun quai eri baud u tard da quintar»

Suenter plirs cas da suspect sin Covid-19 tar il club da hockey da Cuira raquinta Livio Roner da questa situaziun speziala e da l'intschertezza entaifer il club da la MSL.

Enfin ch'ils tests tar ils giugaders suspectads n'èn betg evaluads, sa chatta l'entira equipa da l'EHC Cuira en ina situaziun intscherta. Entaifer l'equipa hajan ins entant quintà che baud u tard pudessia tutgar era insatgi dad els, raquinta Livio Roner. L'Engiadinais, ch'è sin questa stagiun turnà da l'EHC Arosa tar Cuira, ha pir gist puspè cumenzà cun il trenament – quai suenter ina fractura vid in pe.

Entaifer il stadion, sin e sper il glatsch, ed en las gardarobas, durant trenaments e gieus dal campiunadi vegnia sa tegnì minuzius vid ils concepts da protecziun severs. Ma mintga giugader e funcziunari sa muventia sper trenaments e gieus da hockey en ses ambient privat e da lavur. Livio Roner spera ch'ils tests sajan negativs, uschia che las prestaziuns sportivas domineschian en lur chaus e na ils quitads pervia da Covid-19.

RTR actualitad 17:00

Artitgels legids il pli savens

Scrollar a sanestra Scrollar a dretga