Ils dus lufs ch'èn vegnids la stad e la fin november sut vehichels en la Germania dal Sid derivan dal triep dal Calanda. Ils dus lufs eran frars, quai hajan mussà las analisas geneticas, communitgescha il minister per la protecziun da la natira da Baden-Württemberg, Alexander Bonde.
In luf è vegnì sut in vehichel sin la via A8 sper Merklingen, l'auter sin la A5 sper Lahr.
«L'arrivada dals dus lufs entaifer paucs mais mussa, che Baden-Württemberg po quintar cun ulteriurs animals» ha ditg il minister. Ed els sajan preparads bain sin quai.
RR novitads 12:00
dpa/hs