Siglir tar il cuntegn
cuntegn

Chantun Magistraglia valitescha lur cuntentientscha cun in 4.3

Las magistras ed ils magisters en il Grischun èn be minim pli cuntents en lur professiun ch'ils magisters en il rest da la Svizra, quai resulta d'ina retschertga represchentativa da l'Organisaziun per la magistraglia grischuna.

In magister che scriva sin la tavla.
Legenda: La magistraglia dat la nota 4.3 quai che pertutga la cuntentientscha. Keystone

En media valitescha la magistraglia grischuna lur cuntentientscha cun ina nota dad in 4.3, quai che n'è tenor il sindicat betg fitg aut. Las pli cuntentas sajan las persunas d'instrucziun sin il stgalim primar.

Memia bleras refurmas

Champs da problems sajan surtut memia bleras refurmas, la mancanza da reputaziun en la publicitad, u er ina auta chargia da lavur.

Cuntents cun l’ultima runda da paja

La magistraglia grischuna gudogna anc adina il pli pauc en cumparegliaziun cun la magistraglia en auters chantuns. Tut en tut è ella tuttina cuntenta cun l’ultima runda da paja. Era han 86% da las magistras e dals magisters grischuns ditg ch’els elegessan anc ina giada questa clamada.