Malans survegn in sutpassadi per peduns e velo-cipedists enstagl dal vegl passadi da viafier. Quai ha la radunanza communala decis. Quest project era vegnì decis gia avant 10 onns cun in credit dad 1,5 milliuns francs. Pervi da la lingia a 2 binaris da la Viafier retica tranter Landquart e Malans era il project lura però vegnì sisti.
La varianta actuala dal sutpassadi n’ha concernent la segirezza betg persvas la suprastanza. Perquai ha ella proponì a la radunanza communala da tuttina betg far il sutpassadi – ma senza success. Cun gronda maioritad han ils da Malans er decis da conceder in credit supplementar da 300'000.- francs per realisar il sutpassadi.
Surpli dad 1,8 milliuns francs
Plinavant han ils da Malans era approvà il quint annual dal 2018. Quel serra meglier che budgetà cun in surpli d'entradas dad 1,8 milliuns francs. La vischnanca ha fatg il 2018 investiziuns nettas per radund 1,6 milliuns francs.
RR novitads 16:00