Siglir tar il cuntegn

Header

cuntegn

Malgrà la crisa Nagins daners per las medias

Il chantun na vul betg sustegnair finanzialmain las medias grischunas, era sch’ellas sentan la crisa da corona. Deputadas e deputads han refusà ina proposta da stgaffir in fond dad 1,5 milliuns francs.

Cusseglier guvernativ Jon Domenic Parolini è sa dustà cun l’argument che quai fiss be in agid a curta vista. La regenza laschia analisar la situaziun generala da las medias en il Grischun. Quest rapport duai esser sin maisa en circa dus mais. La regenza haja era gì contact cun chasas da medias ed haja fatg ina buna discussiun davart las sfidas da l'avegnir.

La deputada Silvia Hoffmann (PS) che ha represchentà ils arguments per in sustegn chantunal, ha fatg valair ch’il chantun sustegnia era autras branschas en la crisa:

Il deputà Reto Crameri (PCD) ha accentuà che las medias dovrian uss l'agid ed ins na possia betg spetgar sin in rapport. Dal reminent in rapport che la regenza ha empermess gia avant dus onns.

La finala è la decisiun stada clera cun 65:35 vuschs, tar duas abstenziuns, da betg sustegnair finanzialmain las medias grischunas en vista a la crisa da corona.

RTR novitads 18:00

Artitgels legids il pli savens

Scrollar a sanestra Scrollar a dretga