Siglir tar il cuntegn

Header

cuntegn

Mancanza da naiv Quest'emna resta vinavant sitga

Il mument spetgan blers sin naiv. En ils territoris da skis en Surselva u en il Grischun Central hai la davosa fin d'emna navì l'ultima giada. En l'Engiadina è l'ultima naiv crudada enturn ils dis da Nadal.

Cun naiv nova n'èsi dentant vinavant betg da quintar. Uschia Ivo Sonderegger dad SRF Meteo.

Ils proxims set dis na datti strusch u perfin insumma nagina naiv.
Autur: Ivo SonderggerSRF Meteo

Il mument sa tegna ina zona da pressiun auta en l'Europa. Quella protegia la Svizra da bunamain tut las fronts che pudessan purtar naiv. Sch'ina front avess tuttina d'arrivar, vegn ella be pli ad esser flaivla. Ina tala front spetga SRF Meteo sin sonda. Quella porta dentant mo en ils auts in pèr centimeters naiv. Uschiglio resta l'aura bella e cun paucs nivels.

Pli probabel vai vinavant uschia

Er l'emna che vegn na quinta Ivo Sonderegger betg cun blera naiv. Il trend da mo paucs nivels e bler sulegl para da restar. Quai è dentant be in trend. Prognosas da pli che set dis èn tenor il meteorolog malsegiras.

RTR actualitad 07:00

Artitgels legids il pli savens

Scrollar a sanestra Scrollar a dretga