Siglir tar il cuntegn

Header

cuntegn

Maridar durant corona Er durant corona dastgan ins maridar, dentant...

Maridar n'è betg scumandà – er durant il temp da corona betg. En tut las regiuns hai dà nozzas civilas las ultimas emnas. Quai sajan surtut quels che dettian grond pais sin la data u che spetgan per exempel in uffant. Blers pèrs han dentant er spustà lur nozzas.

En Surselva e Grischun Central discurran las uffiziantas ed uffiziants da pli che la mesadad dals pèrins ch'hajan spustà lur termin. En Engiadina Bassa èn quai per il mument circ'in terz da las nozzas fin l'october.

Las prescripziuns vegnan da l'Uffizi federal dal stadi civil. En general valan las reglas d'igiena e da distanza usitadas: dus meters distanza, maximalmain tschintg persunas. A la ceremonia pon be sa participar il pèrin, in uffiziant e las perditgas da matrimoni.

Pli curt, pli pauc persunal

Vinavant giavischa l'uffizi federal ch'ils uffiziants tegnan la ceremonia pli curt. Cun quai vegnian las ceremonias dentant er pli pauc persunalas. Quai manegia l'uffizianta en la regiun Alvra, Erika Hanselmann. Er il contact direct, sco da dar il maun e dar ina branclada al pèr manchia. Surtut en in mument uschè emoziunal tutgia quai bunamain tiers. Tenor l'uffizianta da l'Engiadina Bassa, Tina Luzzi, respectian dentant tuts quellas mesiras.

Tut il temp è spezial, uschia ch'er las nozzas ston esser in zic spezialas.
Autur: Tina LuzziUffizianta da l'Uffizi civil en Engiadina Bassa

Ils pèrins che maridan uss, acceptian er, che las persunas stettian sin la fotografia in pau pli ferm in ord l'auter.

Proceder da preparaziun gratuit

Sch'ins vul maridar, ston ins er emplenir or plirs documents. Quai custa er insatge, vinavant èn ils documents be trais mais valaivels. Per cas ch'i n'è pervia da la situaziun actuala betg pussaivel da maridar, saja gratuit da far quest proceder ina segunda giada.

RTR actualitad 07:00

Artitgels legids il pli savens

Scrollar a sanestra Scrollar a dretga