A Marina Jamnicki vai sin la gnerva il pli fitg che las spetgas èn bler memia autas. Las spetgas ed il sentiment che mintgin haja il dretg sin la vaccinaziun. Cunquai ch'il vaccin vegn dentant mo zic a zic saja la situaziun actuala quella, che blers ston spetgar ed avair pazienza.
Mutaziuns sa derasan
Sper quai vegnan er anc las mutaziuns vitiers. Marina Jamnicki parta dal fatg che radund 30% fin 40% dals cas actuals èn mutaziuns e quai dumber vegnia a s'augmentar vinavant. Gia en in pèr emnas u mais dominieschian lura las mutaziuns. Quai saja dentant normal tar in virus e vegnia betg nunspetgà. Quai muntia dentant er che las vaccinaziuns ston sa sviluppar ensemen cun il virus.
Igl è bun pussaivel che nus sa tschentain tar il scenari sco tar la vaccinaziun da la grippa, nua ch'ins sto adina puspè adattar il vaccin.
Il virus sa sviluppescha, las vaccinaziuns ston sa sviluppar. Dentant a lunga vista stuain nus tenor la media chantunala s'arranschar cun il virus.
Fatg è ch'igl n'è betg pussaivel da dumagnar tut sin nulla, quai na dumagnain nus betg, il virus è qua, il virus resta.
Perquai saja uss il temp da far ils plans co chattar ina via da vegnir a frida a lunga vista cun il virus.