Siglir tar il cuntegn

Chantun Martin Besio-Lutz – il pli vegl grischun è mort

Cun 106 onns è Martin Besio-Lutz mort gievgia passada a Scuol. Quai han confermà ses confamigliars.

Purtret da Martin Besio-Lutz
Legenda: Martin Besio-Lutz, il pli vegl grischun è mort cun 106 onns. RTR

Martin Besio-Lutz è naschì ils 5 d'avrigl 1911 a Susch. Sia vita entira ha el passentà en l'Engiadina.

El è stà perditga da l'incendi da Susch l'onn 1925. Durant quel era sia chasa paterna era daventada in'unfrenda da las flommas. Gia sco buob lavurava Martin Besio en la chava da crappa tranter Susch e Zernez. Pli tard ha el lura fatg l'emprendissadi da tagliacrappa e miradur. Pli tar è el lura era sa scolà vinavant sco manader da construcziun. Il 1938 ha Besio lura maridà la sursilvana Emma Lutz, oriunda da Curaglia. Ensemen han els gì trais uffants.

Enfin avant trais onns ha Martin Besio vivì a chasa, sco la famiglia di era grazia al grond sustegn dals da Susch. Dapi il 2014 abitava il pli vegl um dal Grischun en la chasa d'attempads Puntota a Scuol.

RR novitads 12:00