Siglir tar il cuntegn

Header

Scolaras cun mascrina
Legenda: Dapi ils 9 da november vala in obligatori da mascrina en la scola superiura. Keystone
cuntegn

Mascrinas en scola Tenor Myriam Fasani-Horath fan mascrinas bler donn

La deputada suppleanta dal Mesauc ha pretais che l'obligatori da mascrinas per scolaras e scolars stoppia vegnir stritgà. Cun ses arguments è Myriam Fasani-Horath dentant stada suletta en il Cussegl grond.

Dapi il cumenzament da november ston tut las scolaras ed ils scolars da la scola superiura purtar ina mascrina. La deputada suppleanta, Myriam Fasani-Horath, ha pretais en il Cussegl grond d'abolir l'obligaziun da purtar mascrina en scola – e quai per immediat. Blers geniturs sajan s’annunziads tar la politicra senza partida – babs e mammas che fetschian quitads pervia da l'obligatori da mascrinas.

audio
Cussegl grond: Myriam Fasani-Horath vul abolir mascrinas en scola
02:24 min, Actualitad dals 08.12.2020.
laschar ir. Durada: 02:24 minutas.

Per la politicra dal Mesauc èsi cler: Las mascras donnegian la sanadad. Ins respira l'agen CO2, quai cun consequenzas fatalas.

Stancladad, consternaziun, mal il chau, fadia da sa concentrar, cotschnur da la pel, in puls memia aut fin tar ina fermada dal cor.
Autur: Myriam Fasani-Horathsuppleanta dal Cussegl grond

Cun ses arguments è Myriam Fasani-Horath dentant stada persula. Sustegn n’ha ella betg survegnì en il parlament chantunal. Sia pretensiun è per il mument giud maisa.

RTR actualitad 17:30

Artitgels legids il pli savens

Scrollar a sanestra Scrollar a dretga