Dapi il cumenzament da november ston tut las scolaras ed ils scolars da la scola superiura purtar ina mascrina. La deputada suppleanta, Myriam Fasani-Horath, ha pretais en il Cussegl grond d'abolir l'obligaziun da purtar mascrina en scola – e quai per immediat. Blers geniturs sajan s’annunziads tar la politicra senza partida – babs e mammas che fetschian quitads pervia da l'obligatori da mascrinas.
audio
Cussegl grond: Myriam Fasani-Horath vul abolir mascrinas en scola
ord Actualitad dals 08.12.2020.
laschar ir. Durada: 2 minutas 24 Secundas.
Per la politicra dal Mesauc èsi cler: Las mascras donnegian la sanadad. Ins respira l'agen CO2, quai cun consequenzas fatalas.
Stancladad, consternaziun, mal il chau, fadia da sa concentrar, cotschnur da la pel, in puls memia aut fin tar ina fermada dal cor.
Cun ses arguments è Myriam Fasani-Horath dentant stada persula. Sustegn n’ha ella betg survegnì en il parlament chantunal. Sia pretensiun è per il mument giud maisa.
