Siglir tar il cuntegn

Header

cuntegn

Mascrinas er en scola primara Obligatori per la 5avla e la 6avla classa davent da gievgia

Betg pertutgadas da l'obligatori èn scolaras e scolars da l'emprima fin la quarta classa primara e las scolinas, sco il chantun ha infurmà las scolas. Da schlargiar l'obligatori da purtar mascrina ha la regenza decidì il mardi, sin basa dal svilup da la pandemia.

Sin ils areals da las scolas popularas publicas e privatas vala davent da gievgia, ils 11 da favrer per tut las persunas in obligatori da purtar mascrina. Pliras excepziuns fa la regenza grischuna en sia decisiun dal mardi:

  • Per scolaras e scolars da las scolinas e da l'emprima fin la quarta classa na vala l'obligatori betg.
  • Persunas che han bunas raschunas, cunzunt medicinalas, da betg purtar mascrina – èn deliberadas da l'obligatori. Ellas ston dentant prender autras mesiras per sa proteger dal coronavirus.
  • Instituziuns da la scolaziun speziala pon fixar excepziuns da l'obligatori, suenter avair gì contact cun la media chantunala.

Pass per pass pli sever

La decisiun ch'era scolaras e scolars primars pli vegls han da purtar mascrina, è il segund augment da l'obligatori en las scolas grischunas. Mez october aveva il chantun gia relaschà in obligatori per il stgalim secundar II. Davent da l'entschatta november han lura era ils scolars e las scolaras da las scolas superiuras gì da purtar mascrina sin l'areal da scola.

audio
Per tadlar curt e cumpact
00:49 min, RTR Audio dals 10.02.2021.
laschar ir. Durada: 00:49 minutas.

RTR novitads 23:00

Artitgels legids il pli savens

Scrollar a sanestra Scrollar a dretga