Siglir tar il cuntegn

Header

Scolars en ina stanza da scola a Schiers.
Legenda: A partir da l'auter onn pon ils scolars da la scola media Schiers far la maturitad bilingua tudestg&englais. Keystone
cuntegn

Chantun Maturitad bilingua a Schiers

La regenza grischuna ha concedì a la scola media evangelica Schiers la permissiun da manar ina scolaziun da maturitad bilingua tudestg/englais. La scolaziun bilingua duai cumenzar l'onn da scola 2016/17.

La scola media evangelica da Schiers dastga introducir la maturitad bilingua tudestg/englaisa. Quai ha decis la regenza grischuna. La scolaziun bilingua po uschia cumenzar l'onn da scola che vegn - pia il 2016/17.

Ils attestats da maturitad bilingua vegnan renconuschids provisoricamain a partir da l'auter onn da scola.

Cun la matura bilingua vul la scola media da Schiers daventar pli attractiva per scolars da l'aglomeraziun da Cuira.

Sper Schiers porschan il gimnasi da la claustra da Mustér e la scola media a Zuoz la maturitad bilingua tudestg/englais.

RR novitads 09:00

Artitgels legids il pli savens

Scrollar a sanestra Scrollar a dretga