Siglir tar il cuntegn
cuntegn

Chantun Medi Porta – medi ed apoteca en ina

La pratica cun il «Medi Porta» è medi da chasa ed apoteca en ina. Quai vul dir che pazients pon vegnir en la pratica e tut tenor basegn consultar l'apotecher u il medi.

Medi da chasa che dat ora in medicament.
Legenda: «Walk-in» cumbinescha apoteca e medi e po esser in model alternativ tar ils medis da chasa convenziunals. Keystone

La purschida duai cunzunt sa drizzar a persunas che han nagin medi da chasa, a quels che ston spetgar ditg sin in termin u a persunas che han fadia da chattar in nov medi da chasa

L’avantatg tar «Medi Porta» è ch’igl è sco tar in’apoteca betg necessari da fixar in termin. Uschia pon era cas actus vegnir tractads directamain d’in apotecher u medi.

Model per franar la digren da medis da chasa?

Ils davos onns han diversas praticas da medis da chasa stuì serrar lur portas perquai ch’i dat memia paucs medis giuvens. Era ils proxims tschintg onns cuntanschan bun in tozzel medis da chasa en la citad da Cuira la vegliadetgna da pensiun.

La pratica da «walk-in» che cumbinescha apoteca e medi po esser in model alternativ als medis da chasa convenziunals ch'han fadia da chattar successurs.

RR actualitad 12:00