Tenor l'Uffizi federal da la protecziun da la populaziun èn radund 5'000 sirenas vegnidas controlladas. L'alarm general ha resunà a las 13:30 durant ina minuta.
Tranter las 14:15 e las 15:00 ha suandà en regiuns periclitadas l'alarm d'aua.
Areguard ils tests d'alarm na stoppia la populaziun far nagut. Tar in alarm ordaifer dals temps da test annunziads èsi inditgà da tadlar radio, suandar las instrucziuns da las autoritads ed infurmar ils vischins.
Retards tar alarms digitals
Per la segunda giada han ins er testà ils alarms digitals sin ils chanals da Alertswiss. Tut ils chantuns hajan dà cun success alarm. Cunquai che tut ils chantuns hajan fatg quai il medem mument saja l'alarm arrivà sin telefonins da Apple cun retard. Ils svilupaders da la app Alertwsiss prendian uss sut la marella las raschuns per quests sbagls.
RR novitads 11:00+
