Siglir tar il cuntegn
cuntegn

Chantun Mesiras da protecziun portan fritg

En il Grischun han l'urs ed il luf stgarpà ils ultims 3 onns passa 100 nursas, 2 chauras, in bov e 5 asens. Malgrà quai paran las mesiras per proteger las muntaneras en il Grischun da mussar effect.

Tgaun da protecziun cun nursas
Legenda: Ils ultims 3 onns èn vegnidas stgarpadas damain nursas ch'ils onns avant ch'ins ha prendì mesiras da protecziun. Keystone

En il Grischun han l'urs ed il luf stgarpà ils ultims 3 onns passa 100 nursas, 2 chauras, in bov e 5 asens. Quai resulta d'ina statistica ch'il chantun ha publitgà quest glindesdi sin basa d'ina incumbensa parlamentara.

Malgrà che las mesiras da protecziun na porschian nagina segirezza absoluta, saja la protecziun da las muntaneras sa cumprovada, è la regenza grischuna persvadida. Ils onns avant ch'ins haja prendì mesiras per proteger las muntaneras saja numnadamain vegnì stgarpà dapli animals da niz.

RR novitads 15:00