Siglir tar il cuntegn
cuntegn

Chantun Mesiras da protecziun temporaras a favur da la selvaschina

Per che la selvaschina grischuna haja pli simpel da surviver suenter las grondas navadas, ha il chantun relaschà mesiras da protecziun temporaras per la selvaschina en il Grischun.

Selvaschina en la naiv.
Legenda: La massa naiv po chaschunar stress tar la selvaschina. Reuters

En Surselva, en il Partenz sco er en Engiadina Bassa ha il chantun determinà ulteriuras zonas da paus per la selvaschina. En las regiuns da Claustra e Tavau vegnan ussa terradas intginas plantas en ils refugis natirals, e là stat era a disposiziun fain per cas spezials.

Sco che l'Uffizi chantunal da chatscha scriva vinavant, haja la selvaschina gì in bun atun e saja preparada bain per l'enviern. Mesiras bain manegiadas sco pavlar animals fetschia dapli donn che niz. Quai carmalia ils animals ord lur spazi da ruaus e possia chaschunar lur mort. Il scumond da pavlar valia pia anc adina.

RR novitads 16:00