Siglir tar il cuntegn

Header

cuntegn

Chantun Mesiras encunter las chaliras sin ils plazzals grischuns

Miradurs, poliers ed auters luvrers sin ils plazzals pateschan quels dis las chaliras. Lavurar tar 30 grads e dapli basegna mesiras per che la sanadad na patescha betg.

La lescha federala da lavur perscriva ch'il patrun sto procurar che la sanadad dals lavurers na patescha betg. Er la Suva ha dà ora divers cussegls per interpresas da bajegiar. Sin damonda dad RTR han pliras interpresas explitgà lur mesiras encunter las chaliras. Tranter auter vegn:

  • procurà per avunda aua da baiver e da sa frestgentar
  • repartì resti da stad (chautschas curtas e t-shirts levs)
  • fatg attent dad unscher en crema da sulegl e da far pausas

audio
Saira: Chalurs - Prescripziuns e masiras per plazzals
ord Actualitad dals 03.07.2015.
laschar ir. Durada: 2 minutas 39 Secundas.

Tschertas interpresas pondereschan er da, sche pussaivel, cumenzar a lavurar pli baud e chalar ad uras la saira. Sch'i vess da vegnir anc pli chaud savessi er dar in u l'auter plazzal che vegn serrà - betg pervia da mal'aura mabain pervia da memia bun'aura.

Artitgels legids il pli savens