Siglir tar il cuntegn

Header

Navigaziun

cuntegn

Chantun Mesiras per sbassar custs d'assicuranzas èn manglusas

I na tanschia betg da sbassar ils custs d’asssicuranza per la tgira da malsauns uschia sco quai ch’il Departament federal da l’intern propona. Da quai avis è la regenza grischuna.

Purtret da la vopna grischuna.
Legenda: RTR, Dominik Hardegger

Il Departament federal prevesa da limitar l’augment da premias da cassas da malsauns cun franar il svilup dals custs che van sur l’assicuranza obligatorica. Da principi è la regenza grischuna d'accord cun la direcziun da la proposta. La regenza è dentant da l'avis ch'i manchia la vista generala sur il sistem.

La regenza è da l’avis che quellas mesiras pudessan avair in'influenza nunspetgada sin regulaziuns che valan gia ni sin ulteriurs plans da refurma. In'examinaziun da consequenzas pussaivlas saja perquai exnum necessaria. Plinavant è la regenza da l'avis ch'intginas mesiras èn anc sviluppadas memia pauc bain e che quellas n'hajan lura er betg l'effect giavischà.

RR novitads 10:00