Siglir tar il cuntegn

Header

Ceremonia en la sala dal Cussegl grond
Legenda: Ceremonia en la sala dal Cussegl grond Michael Pfäffli è gist vegnì elegì. RTR, Prisca Bundi
cuntegn

Chantun Michael Pfäffli – Il nov pli aut Grischun

Michael Pfäffli (PLD) da San Murezzan è il nov president dal Cussegl Grond. Pfäffli ha gudagnà l’elecziun cun 104 da 110 vuschs valaivlas. Sco vice-president è vegnì elegì Martin Aebli (PBD) da Puntraschigna.

Michael Pfäffli
Legenda: Michael Pfäffli El è davent dad oz il pli aut Grischun. MAD

Mintg'onn en la sessiun da l'avust dal Cussegl grond vegn elegì in nov president. Il president dal parlament Grischun è uschia il pli aut Grischun. Quai onn è quai Michael Pfäffli. El ha 54 onns, è giurist, ha in'atgna interpresa, è maridà ed ha dus uffants.

Engraziament da la partida

La carriera politica da Pfäffli ha gia cumenzà cun 18 onns cura ch'el è entrà en la partida liberaldemocratica.

Dapi 10 onns è Michael Pfäffli en in Cussegl grond, el è sta durant sis onns president da partida ed ha duas giadas candidà per il Cussegl naziunal. Uschia ch'il post sco pli aut Grischun saja er in zic in «engraziel» da la partida per la lavur prestada.

Represchentar ils rumantschs

Tar il post sco president dal Cussegl grond na vai betg be persuenter da preparar las sessiuns e manar tras quellas – i va cunzunt er per represchentar ed ir a bleras occurrenzas. E malgrà che Michael Pfäffli n'è betg in rumantsch è el persvas ch'el sappia tuttina represchentar bain els. Quai perquai che sia dunna e ses uffants discurran rumantsch.

Management da temp è l'impurtant

La pli gronda sfida saja dentant betg la lavur da preparar e manar tras la sessiuns, mabain propi il represchentar. Ses antecessur Vitus Dermont è stà a radund 150 occurrenzas. Vul dir, circa trais giadas ad emna. Michael Pfäffli è dentant da l'avis ch'el dumogna tut sut in chapè. El spera en scadin cas che nagin vegn a la curta.

Resultats da las presidentas e dals presidents dal Cussegl grond

ElecziunNumLieuPartidaVuschs survegnìVuschs valaivlas
2018Tina Gartmann-AlbinCuiraPS115117
2017Martin AebliPuntraschignaPBD109110
2016Michael PfäffliSt. MoritzPLD104110
2015Vitus DermontLaaxPCD109110
2014Duri CampellCinuos-chelPBD113116
2013Hans Peter Michel
DavosPLD111113
2012Elita Florin-Caluori
BonaduzPCD101111
2011Ueli Bleiker
RothenbrunnenPBD113115
2010Christina Bucher-Brini
ChurPS110113
2009Christian Rathgeb
ChurPLD111112
2008Corsin Farrér
StiervaPCD105112
2007Leo Jeker
ZizersPBD118118
2006 Agathe Bühler-FlurySchiersPLD112117

RR actualitad 12:00

Dapli da Grischunavrir la Landingpage

Nach links scrollen Nach rechts scrollen