Siglir tar il cuntegn

Header

Auto da posta.
Legenda: Cunquai ch'il tunnel da basa dal Ceneri vegn mess en funcziun, meglierescha AutoDaPosta sias colliaziuns da Cuira e da Mesocco a Bellinzona. MAD, AutoDaPosta
cuntegn

Midada d'urari ils 5 d'avrigl Cun AutoDaPosta pli svelt a Bellinzona

En il Mesauc sco er sin la lingia da Cuira a Bellinzona datti a partir dals 5 d'avrigl ina adattaziun extraordinaria da l'urari d'AutoDaPosta. La raschun è ch'il tunnel da basa dal Ceneri vegn mess en funcziun cumplettamain.

AutoDaPosta schlargia sia purschida tranter Cuira e Bellinzona. Quai vala era per tut las lingias da bus en il Mesauc e la Val Calanca, scriva l'interpresa. Uschia datti da nov mintg’ura ina colliaziun tranter Cuira e Bellinzona. Ultra da quai datti sin quest traject mintga duas uras in curs svelt cun colliaziuns perfetgas a Bellinzona sin l'Eurocity vers Milaun sco er en direcziun Lugano e Locarno. E durant las uras marginalas vegni a dar curs supplementars.

Meglras colliaziuns en il Mesauc

Per ils abitants e las abitantas dal Mesauc datti cun la midada d'urari colliaziuns pli attractivas. Uschia van ils bus da la lingia 541 davent da Tusaun – enstagl da sco fin uss fin a San Bernardino – fin a Mesocco. Davent da là datti lura durant l'emna mintga mes'ura ina colliaziun a Castione, nua che bleras lingias dal Tessin e per part er da la Lombardia vegnan ensemen.

Grazia a las novas colliaziuns d'AutoDaPosta ed al nov tunnel da basa dal Ceneri vegn il viadi da Mesauc a Lugano scursanì per radund 20 minutas. Quai che correspunda circa ad in terz dal temp da viadi.

Ord l'archiv:

video
Tranter festa e tempesta
Or da Cuntrasts dals 27.03.2019.
laschar ir

RTR novitads 14:00

Artitgels legids il pli savens

Scrollar a sanestra Scrollar a dretga