Il deputà da la PPS Thomas Gort fa da nov part a la PUK – la cumissiun d’inquisiziun dal Cussegl grond – che fa las retschertgas en connex cun il cartel da construcziun en il Grischun. Thomas Gort ha 46 onns ed è president communal da Küblis.
Gort succeda a Jan Koch (PPS) ch’è sa retratg voluntariamain da quest uffizi l’entschatta settember. La raschun è ch’el lavura en l’avegnir per il manaschi da puntanadas da la famiglia da sia partenaria e vul uschia evitar conflicts d’interess.
Commembers da la PUK
Avrir la boxSerrar la box
Michael Pfäffli, PLD (president)
Beatrice Baselgia, PS (vicepresidenta)
Walter Grass, PBD
Livio Zanetti, PCD
Thomas Gort, PPS
In’emprim rapport davart las acziuns da polizia cunter il whistleblower Adam Quadroni ha la PUK publitgà avant bun in onn. Il proxim rapport davart la rolla da la regenza e l’administraziun cumpara probabel il decurs da l’emprim mez onn dal 2021.
