Quai è ils resultats da la "maisa radunda" per il sectur da sanadad da l'emprim da matg. Ils participants da la "maisa radunda" giuditgeschan ils svilups sco schanza e sfida per sviluppar las professiuns da tgira, communitgescha il departament da sanadad dal Grischun.
Il provediment ambulant vegnia a daventar anc pli impurtant en l'avegnir. Quai ha punctuà la directura da l'institut federal da scol'auta per la furmaziun professiunala, Cornelia Oertle. Perquai dovria quai in pensar ed agir pli e pli integrativ e generalistic sco er l'entretschament da l'activitad cun las autras professiuns da sanadad.
Ord vista da la "maisa radunda" cun represchentants da las instituziuns dal sectur da sanadad e tgira èn dumandadas las interpresas sezzas, per reducir il dumber da persunas che bandunian la professiun. Quai cun crear e mantegnair in bun clima en l'interpresa.
RR novitads 14:00