Siglir tar il cuntegn

Header

cuntegn

Chantun Midar enturn stallas dad aclas è OK

L’associaziun grischuna dals proprietaris da chasas APC sustegn l’iniziativa dals chantuns Grischun e Vallais che pretendan da pudair midar il niz da stallas e chamonas da culm. Quai ha l’associaziun decis a chaschun da sia ultima radunanza da suprastanza.

Uschia duai vegnir evità che tals bajetgs van en decadenza. Las iniziativas dals chantuns Grischun e Vallais pretendan che la lescha davart la planisaziun dal territori vegnia cumplettada cun ina garanzia dals dretgs acquistads era per stallas ch’èn situadas dador la zona da bajegiar.

Edifizis agricols che na vegnan betg pli duvrads e ch’èn suttamess a la lescha veglia duaian ins pudair transfurmar cun mesira per il diever d’abitar, e quai uschè ditg ch’ins mantegnia lur caracter e lur identitad, scriva l'APC. Cun la pussaivladad da pudair transfurmar tals edifizis duai vegnir garantì, sper il mantegniment da la cuntrada, era il mantegniment da lur valita. Cun la pussaivladad da nizzegiar da nov stallas e chamonas pudessan impressaris locals survegnir dapli lavur ed il turissem pudess vegnir promovi, scriva l’APC.

RR novitads 12:00

Artitgels legids il pli savens