Da las temperaturas tropicas pateschan betg mo ils carstgauns, era ils animals. Ina visita en la pensiun d'animals a Cuira mussa: Ils animals scappan dal chaud e tschertgan lieus en la sumbriva u dattan gugent in sigl en l'aua frestga.
Per la manadra da tgira d'animals, Silja Patt, èsi cler: Metter a disposiziun avunda aua frestga, procurar per lieus en la sumbriva e simplamain laschar far in pau pli patgific ils animals. Cun quests tips fetschian ins tut endretg.
Tar possessuras e possessurs da chauns vala en spezial: Ir a spass la bun’ura baud u la saira tard ed uschia guntgir al chaud.
Giats tschertgan la sumbriva, stattan dentant era gugent a sulegl. Tgi che ha ses giats en l'abitaziun na sto resguardar nagut spezial.
Cunigls verteschan meglier il fraid ch’il chaud. Els ston pudair siglir enturn en lieus sumbrivauns e dovran avunda aua a disposiziun. Cun chavar foss en il terren creeschan els taunas frestgas.
TR Telesguard 17.45