Savens vivan ellas er en la medema chasada sco la persuna che dovra agid ed èn perquai disponiblas 24 uras al di per far differentas lavurs da tegnairchasa, sco cuschinar, far cumissiuns e nettegiar. Tras la revisiun duain vegnir reglads ils temps da lavur ed ils temps da paus sco er la salarisaziun dals temps da preschientscha (disponibladad sin clom). Da quai ston vegnir cunfinadas cleramain prestaziuns da tgira: quellas èn suttamessas ad autras reglas.
Las relaziuns da lavur en l'economia da chasa na suttastattan betg a la lescha federala da lavur, mabain vegnan regladas en contracts normals da lavur chantunals. Tenor il dretg d'obligaziuns sto il contract normal da lavur vegnir publitgà avant ch'el vegn relaschà. Quai cun fixar in termin, entaifer il qual mintgin che po far valair vardaivlamain in interess, po prender posiziun en scrit en chaussa.
L'audiziun dura fin ils 31 da fanadur 2019
RR novitads 12:00