Siglir tar il cuntegn

Chantun Moziun per damain birocrazia

La cussegliera naziunala grischuna, Magdalena Martullo-Blocher reglar ils decrets federals.

Magdalena Martullo-Blocher durant la sessiun da stad 2016
Legenda: Magdalena Martullo-Blocher durant la sessiun da stad 2016. Keystone

Sch'i dat in nov decret federal, lura duain dus decrets pli vegls vegnir stritgads. Quai è l'idea da la cussegliera naziunala Magdalena Martullo-Blocher. Ils relaschs vegls chaschunan savens custs dubel uschè auts. Perquai vul Martullo stritgar els tenor il principi da «One in - two out», pia in en, dus or. La regla duai era valair per contracts internaziunals ed ordinaziuns.

Adina dapli decrets federals

Dapi l'onn 1984 crescha il dumber dals decrets federals cuntinuant. I dettia mintg'emna radund 120 novas paginas, scriva Martullo-Blocher en sia communicaziun. L'emprim da schaner 2016 eria il dumber da relaschs tar 4'900 ed en tut sajan quai 69'000 paginas. Passa la mesadad da quests decrets sajan contracts internaziunals, 30% sajan ordinaziuns da l'administraziun cun duberl uschè bleras paginas sco las leschas sezzas. Tenor in studi che l'Uniun svizra d'artisanadi e mastergn ha organisà muntan ils custs da regulaziun a 60 milliardas francs ad onn.

RR novitads 10:00