Siglir tar il cuntegn

Header

video
Manuel Jacomet e Plasma – ils bunamain rockstars
Or da Telesguard dals 26.06.2019.
laschar ir. Durada: 3 minutas 38 Secundas.
cuntegn

Musica Manuel Jacomet e Plasma – bunamain rockstars!

La band Plasma valeva sco «next big thing» en la scena svizra. Il trio da Cuira ha schizunt survegnì il cumpliment dad esser ils Muse dal Grischun. Avant 9 onns han els sunà il concert culminant da lur carriera. Ed i fiss bunamain reussì da daventar rockstars, bunamain!

Cun ina maschaida da rock dir e tuns electronics han chantadur e bassist Carlo Lardi, ghitarrist Manuel Jacomet e battarist Mauro Büchler fascinà lur fans e persvadì la scena da musica. Plasma è stada ina da las paucas bands grischunas ch'ha suttascrit in contract cun in uschenumnà Major Label - ina gronda firma da plattas internaziunala. E quai schizunt per quatter albums.

A fin uschè svelt sco ch'i ha cumenzà

La gronda carriera è dentant stada a fin uschè spert sco quai ch'ella aveva cumenzà. Differenzas internas e cun la firma da plattas han separà la band. Plasma han edì lur album da debut, lura è la carriera stada a fin.

Il chau musical dal trio Plasma è stà il ghitarrist Manuel Jacomet. Suenter sia «bunamain carriera» da rockstar ha el barattà la ghitarra cun il banc da scola. Oz Lavura Manuel sco magister a Turitg. La musica è dentant anc adina ina gronda part da sia vita.

TR Telesguard 17:40

Artitgels legids il pli savens