Siglir tar il cuntegn

Header

audio
Emprim di da scola – mintga gimnasi in zic auter
Or da Actualitad dals 17.08.2020.
laschar ir. Durada: 04:55 minutas.
cuntegn

Nagin concept unitar Mintga gimnasi grischun in zichel auter

Ils concepts da protecziun dals gimnasis grischuns èn sin maisa e mussan bain inqual differenza. Ina survista.

Al pli grond gimnasi grischun, a la Scola chantunala a Cuira, vala l'obligatori da mascras. Quella decisiun ha plirs motivs, per exempel la grondezza da la scola, motivs d'organisaziun ed era en vista a l'influenza chantunala: Sulet en il liber cun distanza da 1.5 meters, en la mensa e la medioteca èn scolarAs e persunas d'instrucziun liberadas da l'obligatori.

Mesiras d'igiena e distanza vegnan ad accumpagnar gimnasiastAs e persunas d'instrucziun durant l'onn da scola. Ma tge èn las particularitads d'ulteriurs gimnasis grischuns? Qua ina survista cun intgins exempels:

Academia Engiadina (Samedan):

  • Nagin obligatori da mascras general; sulet cura ch'i n'è betg pussaivel da resguardar la distanza dad 1,5 meters per passa 15 minutas, vegnan mascras recumandadas.
  • Contact tracing vegn scrit grond: utilisaziun da la SwissCovid App vegn recumandada; cura che la distanza da 1,5 meters è per varga 15 minutas betg pussaivla da respectar, vegnan datas registradas etc.

Scola media evangelica (Schiers):

  • Nagin obligatori da mascras general; dentant adina da purtar cura che la distanza dad 1,5 meters na sa betg vegnir respectada (p.ex era adina cura ch'igl è da star en colonna dad ir en la mensa)
  • Stanzas da classa fixas: Uschia emprovan ins da limitar la circulaziun da persunas en las localitads sin in minimum

Gimnasi da sport (Tavau):

  • Obligatori da mascras parzial; deliberaziun da l'obligatori durant instrucziun (paraids da vaider èn vegnidas montadas), durant mangiar en la mensa e durant il trenament
  • Sport: per las differentas disciplinas da sport (p.ex. ski alpin, passlung etc.) datti mintgamai in agen concept da protecziun

Lyceum Alpinum (Zuoz):

  • Nagin obligatori da mascras general; dentant prescrittas en ils corridors e locals da reuniun
  • Situaziun speziala a Zuoz cun blers scolars ord tut il mund. Responsabels han uschia definì ina strategia da testar bler. Tut las scolaras ed ils scolars interns ston mussar avant in test da corona che n'è betg pli vegl che tschintg dis.

Il gimnasi da Mustér ha pir l'autra emna che cumenza l'instrucziun. Uschia na levan ils responsabels anc betg publitgar il concept da segirtad avant ch'avair infurmà ils geniturs da scolaras e scolars. Il gimnasi autalpin Ftan n'ha fin uss anc betg dà resposta sin il questiunari da RTR.

RTR actualitad 06:00

Artitgels legids il pli savens

Scrollar a sanestra Scrollar a dretga