Pesticids vegnan era sprizzads en l'agricultura grischuna per proteger plantinas e verduras. Quai vegn cunzunt er fatg en la regiun da la Val dal Rain sco a Maiavilla, Jenins e Malans, nua ch'i dat vignas sco era producziuns da verduras en pli grondas massas.
Il chantun ha dentant fin uss analisà mo auas sutterranas e betg ils flums ed auals. Las mesiraziuns da quell'aua sutterrana mussia buns resultats, di il manader da l'Uffizi perla natira e l'ambient dal Grischun, Remo Fehr envers RTR. En Svizra vegn la qualitad numnadamain categorisada vi d'ina stgala cun trais nivels:
- verd: damain che 0,01 micrograms pesticids per liter
- mellen: damain che 0,1 micrograms pesticids per liter
- cotschen: dapli che 0,1 micrograms pesticids per liter
L'aua che vegn tar nus ord la spina en Grischun è dapertut sin nivel verd, cun excepziun da la Val dal Rain, nua che l'aua è sin il nivel mellen. Cumpareglià cun il rest da la Svizra sajan quests resultads fitg buns.
Sco proxim pass vul l'Uffizi per la natira e l'ambient dal Grischun era far concepts per testar ils pesticids en las auas sur terra, pia flums e dutgs.
RR actualitad 12:00
