Chantun - Nagina indemnisaziun per artist grischun Hans Danuser
L'artist grischun Hans Danuser na survegn betg ina indemnisaziun perquai ch'il project d'art vid la chasa da scola Quader a Cuira è vegnì stritgà. La dretgira federala ha renvià in recurs constituziunal da Danuser.
Danuser aveva gudagnà il 2013 la concurrenza per decorar il center da scola superiur Quader. Per manar atras la concurrenza e realisar il project aveva la citad da Cuira concedì ina summa da 150’000 francs. Pervi da mesiras da spargn aveva il cussegl da la citad dentant stritgà il project anc il medem onn.
