Siglir tar il cuntegn

Header

Dus mauns d'ina dunna.
Legenda: Restar tar il sistem vertent: la regenza grischuna propona al Cussegl grond da betg separar la finanziaziun d'ospitals e tgira. Keystone
cuntegn

Chantun Nagina separaziun da finanzas d'ospitals e tgira en Grischun

La regenza grischuna ha deliberà il rapport davart la finanziaziun dals ospitals e da la tgira en il chantun Grischun per mauns dal Cussegl grond. En quest rapport propona la regenza da mantegnair la finanziaziun existenta maschadada tras chantun e vischnancas.

Il rapport davart la finanziaziun dals ospitals e da la tgira examinescha la finanziaziun actuala dals ospitals e da la tgira. El mussa era las mancanzas en il sistem e propona differentas mesiras per eliminar quellas. Latiers tutga en spezial ina revisiun parziala da la lescha per promover la tgira da persunas malsaunas, scriva la chanzlia chantunala dal Grischun.

Sa basond sin in'expertisa externa propona la regenza grischuna da betg separar la finanziaziun tras chantun e vischnancas, sco quai ch’ella sa preschenta actualmain. Il Cussegl grond aveva dumandà il 2011 in rapport en chaussa.

Tenor la regenza na manass ina separaziun da la finanziaziun dals ospitals e da la tgira betg ad ina separaziun da l'entira finanziaziun. Tras las prestaziuns supplementaras cofinanziass il chantun vinavant ils custs en chasas da tgira.

Il rapport duai vegnir tractà dal Cussegl grond durant la sessiun da zercladur 2016.

RR novitads 11:00

cdm/alb