Siglir tar il cuntegn

Header

cuntegn

Chantun Naginas subvenziuns, persuenter pajar damain impostas

L’uniun da las pendicularas grischunas na vul naginas subvenziuns dal stadi. Persuenter pretenda ella dentant meglras cundiziuns cun ina reducziun da las impostas per exempel ed in curs minimal dal franc svizzer envers l’euro.

Las pendicularas grischunas vulan meglras cundiziuns da basa. Suenter ch'il stadi haja procurà cun dar liber il curs minimal dal franc svizzer, che la branscha possia concurrer damain, dovria quai ussa ina reducziun da las regulaziuns, ha ditg il president da las pendicularas grischunas Silvio Schmid a chaschun da la radunanza generala. El pretenda tranter auter da liberar la branscha da la taglia sin il petroli.

Optimistics en la nova stagiun

Ina ulteriura pretensiun è in curs minimal dal franc svizzer envers l’euro. Ina mesira cun la quala ins pudessia era gist sminuir ils dischavantatgs da concurrenza envers pendicularas en l’exteriur, per exempel en l’Austria.

Per la stagiun avant porta sa mussa il president da las pendicularas grischunas Silvio Schmid optimistic. La branscha haja investì radund 100 milliuns francs en sutgeras e novs projects, ha ditg Schmid.

Artitgels legids il pli savens